احمد جاوید اردو کے ممتاز صحافی، مصنف، مترجم اور کالم نگار ہیں۔ تاریخ و تمدن پر گہری نظر اور ادب و صحافت میں اپنے منفرد اسلوب سے پہچانے جاتے ہیں۔ آسماں تہہ خاک(سوانحی خاکے)، فکرفردا (کالموں کا انتخاب)، تلخ نوائی(منتخب اداریے)، میرے حصے کی دلّی اور قصہ چھٹے درویش کا (یادداشت اور خاکے) اور مبادیات صحافت و ادارت(درسی کتاب) ان کی مقبول و معروف کتابیں ہیں۔ احمد جاوید تاریخ و سوانح میں گہری دلچسپی رکھتے ہیں۔ صحافت میں پروفیشنلزم کے محرکین میں شامل ہیں اورصحافیوں کی تربیت میں اپنے گرانقدر تعاون کے لیے جانے جاتے ہیں۔ صحافت اور ادب میں نمایاں خدمات کے لیے ان کو باوقار سرکاری اور غیر سرکاری اداروں نے انعامات و اعزازات سے بھی سرفراز کیا ہے اور ان کے کام نے غیرمعمولی پذیرائی حاصل کی ہیں۔